ԱԺ նախկին պատգամավոր, ԲՀԿ-ական Վարդան Բոստանջյանը «168 ժամ»-ի թղթակցի հետ զրույցում նշել է, որ տնտեսության կարգավորման դաշտում տեսանելի քայլեր կային, որ կարելի էր անել և ստանալ բավական լավ արդյունքներ, սակայն դրանք չեն արվել: Այն հարցին ինչո՞ւ չեն արվել այդ քայլերը և ո՞վ կամ ի՞նչն է խանգարել, Բոստանջյանը պատասխանել է.
«Ես կարծում եմ, որ սա էլ ստվերայնության մի այլ տարբերակ է: Այսինքն` կան մարդիկ, որ պղտոր ջրում ձուկ են որսում: Որքան կանոնակարգվածությունը խոցելի է, այդտեղ որոշակի անձինք` կառավարողները, որոշումներ րնդունողները, կամ որոշումների ղեկին մոտ գտնվողներն իրենց ավելի լավ են զգում»:
