Ժնևում յուրահատուկ իրադարձություն է տեղի ունեցել ժամացույցների արդյունաբերությունում ` Grand Prix d’Horlogerie de Geneve ամբողջ աշխարհի լավագույն էլիտար ժամացույցներին մրցանակների հանձնման արարողությունը:
Ժամացույցների «Օսկարի» դափնեկիրներն աշխարհին հիացրել են իրենց բարձր տեխնոլոգիաներով, յուրահատուկ դիզայնով և այլ առավելություններով, հայտնում է style.rbc.ru-ն:
Այս տարի բարձրագույն մրցանակին` Aiguille d’Or-ին («Ոսկե սլաք») արժանացել է TAG Heuer-ի Mikrgirder ժամացույցը:
Այս ժամացույցի ընթացքը կարգավորելու համար ժամացույցի բալանսի և ժամացույցի մեխանիզմի մետաղալարե զպանակի փոխարեն օգտագործվել է 3 միկրոբալանսավորիչ: Այս սկզբունքն արմատապես տարբերվում է ժամացույցների կարգավորման սովորական սկզբունքից:
MB&F-ի Legacy Machine 1 ժամացույցը հաղթել է միանգամից 2 անվանակարգում. այն ճանաչվել է տղամարդու լավագույն ժամացույց, ստացել է նաև «Հանդիսատեսի համակրանք» մրցանակը: Ոճով այս ժամացույցը դասականի և ստիմպանկի միաձուլում է: Ժամացույցն ունի միաժամանակ երկու ժամային գոտում ժամը ցույց տալու հնարավորություն:
Legacy Machine 1-ն ունի սպիտակ և վարդագույն ոսկուց տարբերակներ:
Լավագույն ինովացիոն ժամացույց է ճանաչվել HYT-ի H1 Titane Black DLC-ը` աշխարհում առաջին հիդրոմեխանիկական ժամացույցը:
Կանացի լավագույն ժամացույց է ճանաչվել Chanel բրենդի Première Tourbillon Volant ժամացույցը:
Լավագույն ոսկերչական ժամացույց է ճանաչվել Imperiale Tourbillon Full Set от Chopard-ը:
Լավագույն բարդ ժամացույցի մրցանակը շնորհվել է Greubel Forsey I-ի Invention Piece 2-ին: Սպորտային ժամացույցներից լավագույնը ճանաչվել է Habring2 Doppel 2.0-ն:
«Փոքր սլաք» անվանակարգում ամենալավ ժամացույցը դարձել է Zenith-ի Pilot Big Date Special-ը:
Եվ վերջապես, լավագույն ժամագործ է ճանաչվել Ֆորեստյե Կասապին Cartier տնից:
