Առաջին անգամ ռուս եւ ամերիկացի զինվորականներն իրականացնում են համատեղ գործողություններ Աֆղանստանում: Պաշտոնայները հայտարարում են, որ մոտ 70 զինվորական, այդ թվում թմրանյութերի դեմ պայքարի 4 ռուսաստանացի պատասխանատուներ, իրականացրել են հատուկ օպերացիա աֆղանա-պակիստանյան սահմանի մոտ` վնասազերծելով թմրանյութերի արտադրության լաբորատորիա: CNN-ին տված բացառիկ հարցազրույցում ռուսաստանյան թմրանյութերի դեմ պայքարի գերատեսչության ղեկավար Վիկտոր Իվանովը հայտարարել է, որ վերացվել է մոտ 1000 տոննա հերոին:
«Իրոք արդյունքները տպավորիչ են: Մենք բռնագրավել ենք 932 կգ գերազանց որակի հերոին, ինչպես նաեւ 156 կգ. օփիում: Սարքավորումների մեծ մասը վերացվել է կամ բռնագրավվել: Բռնագրավված թմրանյութերի վաճառքի դեպքում նարկոմաֆիան կստանար $250 մլն շահույթ»,-ասել է Վիկտոր Իվանովը:
Ըստ հեռուստաընկերության՝ կարեւորը ոչ թե միջոցառման ծավալներն են: Ամերիկացի եւ ռուսաստանցի պաշտոնյաները հայտարարում են, որ սա լայնամասշտաբ միջոցառումների սկիզբն է: Մի քանի տարի շարունակ Ռուսաստանը ԱՄՆ-ին եւ ՆԱՏՕ-ին կոչ էր անում կակաչների ցանկատարածությունները եւ թմրանյութերի արտադրության ենթակառուցվածքները վերացնելու ուղղությամբ: Մոսկվան միշտ ստանում էր մերժում այն հիմնավորմամբ, որ այդ քայլը շատ համայնքների կստիպի անցնել թալիբների կողմը: ԻՆչու՞ հիմա ԱՄՆ-ն եւ Ռուսաստանը կարողացան միավորվել եւ վերացնել թմրանյութեր արտադրող լաբորատորիաները:
Ավելի քան 20 տարի է անցել այն օրվանից, երբ խորհրդային զորքերը հանեցին զորքերը Աֆղանստանից: Հիմա ՆԱՏՕ-ն կարիք ունի Ռուսաստանի օգնության: Հաշվի առնելով այն, թե ինչպիսի աննախադեպ օպերացիա է վերջերս իրականացվել, կարելի է եզրակացնել, որ Ռուսաստանն ավելացնում է իր մասնակցությունը:
