Մադրիդի «Ռեալ»-ի կիսապաշտպան Խաբի Ալոնսոն ուրախ է, որ աշխատում է այնպիսի մասնագետի գլխավորությամբ, ինչպիսին է Ժոզե Մոուրինյոն:
Իսպանիայի ազգային հավաքականի ֆուտբոլիստը նշել է, որ պորտուգալացի մասնագետից շատ բան է սովորում:
«Մոուրինյոն հիանալի մարզիչ է, պրոֆեսիոնալ: Նա խիստ է և ուշադիր: Անձամբ ես շատ բան եմ սովորում մարզչից: Մարդիկ ճանաչում են այն Մոուրինյոյին, ով ելույթ է ունենում մամլո ասուլիսներին: Սակայն ես գիտեմ նրան բազմաթիվ այլ կողմերից, և երբ խոսում եմ այդ մասին, բոլորը զարմանում են»,- ասել է Ալոնսոն:
