Վրաստանի նախկին նախագահ Միխեիլ Սաակաշվիլին վստահ է, որ Բելառուսը, Հայաստանը և Ադրբեջանը որոշ ժամանակ անց կցանկանան միանալ ԵՄ-ին, գրում է Le Temps-ը:
Նրա խոսքերով`ԵՄ-ին անդամագրման գործընթացը երկար և բարդ կլինի:
«Ռուսաստանի նախագահ Վլադիմիր Պուտինը կպայքարի մինչև վերջ` Ուկրաինան թուլացնելու և ԵՄ-ին դրա մերձեցմանը խանգարելու համար: Նա մտահոգվում է` հանկարծ Ուկրաինան կայուն և բարգավաճ երկիր չդառնա: Մի կողմից, այդ պայքարում նա խաղաքարտին է դրել իր հեղինակությունը: Մյուս կողմից, ռուսները հեշտությամբ կարող են իրենց ասոցացնել ուկրաինացիների հետ: Եթե ԵՄ-ի հետ համագործակցելիս վերջինիս գործողություններն ավելի հաջողակ լինեն, ռուսները կարող են սկսել նախանձել: Ռուսաստանի նախագահը կանոնավոր բանակ չի ուղարկի, այլ` «կանաչ մարդուկների»: Դա բավարար կլինի քաոս ստեղծելու համար: Նա ցանկանում է, որպեսզի Ուկրաինան հնարավորինս թույլ լինի, որպեսզի նրա տնտեսությունը և բանակը կործանվեն: Նման մեթոդներ են գործածվել նաև Վրաստանում, սակայն մենք չենք հանձնվել»,- ասել է Սաակաշվիլին:
«Բելառուսը, Հայաստանը և Վաստանը պետք է քայլեր անեն ԵՄ-ի հետ համագործակցելու համար: Ժամանակի ընթացքում նրանք բոլորը կմինանան ԵՄ-ին»,- ասել է Սաակաշվիլին
