Այսօր՝ նոյեմբերի 22-ին, Կոմիտասի անվան կամերային երաժշտության տանը Հայոց եղեռնի 100-րդ տարելիցին ընդառաջ` տեղի կունենա հնագույն երաժշտության «Տաղարան» համույթի համերգը: Համերգն ընդգրկված է ՀՀ մշակույթի նախարարության ծրագրերում: Այն նվիրվում է կոմպոզիտոր Հարություն Դելլալյանի 75-ամյակին: Այս մասին «Առաջին լրատվական»-ի հետ զրույցում տեղեկացրեց «Տաղարան» համույթի գեղարվեստական ղեկավար, դիրիժոր Սեդրակ Երկանյանը:
«Եղե՞ռն, թե՞ Հարություն Դելլալյան, որի ամբողջ ստեղծագործությունը թեմաների շուրջ է: Երկուսն էլ մարմնացում են, տիպարներ են եղեռնագործության հետևանքների. մեկը բուն մաշկի վրա զգաց, մյուսը՝ իր գեղարվեստի»,- ասաց Սեդրակ Երկանյանը:
Համերգային ծրագրի ընթացքում կհնչեն Կոմիտասի «Ծիրանի ծառը», «Անտունին», «Կռունկը», Դելլալյանի « Լռության րոպե» ռեքվիեմը՝ նվիրված Դեր Զորի նահատակներին, «Դաշնամուրի սոնատը» (նվիրված Կոմիտասին), Վոկալ շարքը, Երգեհոնի ռեքվիեմը:
Համերգի սկիզբը՝ ժ. 19:00-ին: