ՀՀԿ խոսնակ Էդուարդ Շարմազանովն Aravot.am-ի հետ զրույցում մեկնաբանելով ԲՀԿ խմբակցության քարտուղար Նաիրա Զոհրաբյանի քննադատությունը, որ ՀՀԿ-ի` արտահերթ նիստին չգալը բոյկոտ չէ, փախուստ է` պատասխանեց.
«Թույլ տվեք մեզ մենք որոշենք` սա ինչ է, էլի: Սա քաղաքական պայքարի ձև է: Սա ոչ քաղաքական կապրիզ է, ոչ տուն-տունիկ է: Սա քաղաքական պայքար է: ՀՀԿ-ն ասել է, որ մենք նպատակահարմար չենք գտնում, և պատճառները միայն քաղաքական են: Սա քաղաքականության ձև է, որը Աժ կանոնակարգում ընդունված է անվանել քաղաքական բոյկոտ: Իսկ ով է փախուստ համարում… բան: Եթե փախուստ է, այն պատգամավորները, որ չեն եկել, նրանք է՞լ են փախել: Ինձ մոտ այնպիսի տպավորություն է, որ մեր քաղաքական ընդդիմախոսներն ու այլընտրանքի ներկայացուցիչները հանդուրժողականության պակաս ունեն, և պետք է այդ հանդուրժողականության դասերն առնեն Հանրապետականի մոտ, որովհետև կարելի է լինել ընդդիմություն, բայց պետք է լինել հանդուրժող: Պետք չի ջղաձգումների մեջ ընկնել: Մենք երբեք վատ չենք զգում և երբեք շոուներ չենք անում, երբ ընդդիմությունը կամ այլընտրանքը չի մասնակցում քվեարկությանը, բոյկոտում է կամ դեմ է քվեարկում: Սա նորմալ է: Սա քաղաքական պայքար է»:
