ԱԻՄ առաջնորդ Պարույր Հայրիկյանը այսօր լրագրողների հետ հադիպման ընթացքում խոսեց հարյուր տոկոս համամասնական ընտրակարգին անցնելու ծագրի մասին և արձանագրեց, որ կարելի է անցնել հարյուր տոկոս համամասնականին, բայց ոչ խորհրդարանական պետության.
«Ողջունում եմ, որ այսօր խոսակցության առանցքում հայտնվել է պետական համակարգում փոփոխություններ կատարելու հարցը: Սա խոսում է այն բանի մասին, որ մեր կուսակցությունները արդեն իրական քաղաքական կազմակերպություններ են դառնում և ասպարեզ են իջնում ոչ միայն մասնավոր կուսակցական, այլև ընդհանրական ազգային նպատակադրումներով: Բայց բովանդակային առումով մենք պետք է մտահոգվենք:
Հայաստանում խորհրդարանական համակարգի մասին խոսողները, պետք է գիտակցեն, որ դա ժողովրդավարության ամենավատ օրինակն է: Հայաստանն այսօր ըստ էության կիսանախագահական- կիսախորհրդարնական է, սակայն եթե նախագահը չլինի խորհրդարանական մեծամասնության ներկայացուցիչը, ապա նա խորհրդարնական մեծամասնության կողմից կարող է անտեսվել և արհամարվել, ինչը կատարվում է հարևան Վրաստանում: Այսինքն՝ եթե մենք խոսում են խորհրդարանականին անցնլու մասին, խոսքը գնում է այն մասին, թե վարչապետին ով պետք է նշանակի»:
Խոսելով ժողովրդավարական համակարգի մասին՝ ԱԻՄ առաջնորդը նշեց, որ դա պետք է լինի ոչ թե նվազ ժողովրդավարական, այլ մաքուր նախագահական՝ ես դա կկոչեի վարչապետական համակարգ. «Ինձ համար ուշագրավ է, որ վարչապետին և նախագահին համտեղող նախագահական հանրապետության օգտին արտահայտվել են և՛ առաջին նախագահ Լևոն Տեր-Պետրոսյանը՝ հազար 1998 թվականին, և՛ վերջերս՝ նաև երկրորդ նախագահ Քոչարյանը»։
