Իսպանիայպւմ տաքսու վարորդների արհմիությունը հայտարարել է, որ ոչ մեկ բյուջետային գումարներով չի սպասարկի պատգամավորների հարազատներին և երեխաներին: Ինչպես հաղորդում է Euromag-ը, նման հայտարարությամբ ուղիղ եթերով հանդես է եկել Մադրիդի տաքսու վարորդներից մեկը:
Նրա խոսքերով՝ հաճախ են պատահում դեպքեր, երբ պատգամավորների հարազատները տաքսի նստելիս օգտվում են Կոնգրեսի պատգամավորների քարտերից:
Իսպանացի պատգամավորների կանայք, երեխաները, եղբայրները և քույրերը օգտվում են տաքսի ծառայություններից ՝ «վճարելով» 3 հազար եվրո սահամանափակում ունեցող քարտերով, որը Կոնգրեսը հատկացնում է ցանկացած անդամի:
Խնդիրը ոչ թե այն է, որ պատգամավորներն ունեն նման քարտեր, այլ որ նրանք այդ քարտերը տալիս են իրենց հարազատներին, ինչի շնորհիվ նրանք երթևեկում են անվճար՝ չունենալով դրա իրավունքը:
Այս խախտումները հանգեցրել են նրան, որ տաքսու վարորդները սկսել են պահանջել անձը հաստատող փաստաթուղթ այն դեպքերում, երբ ուղևորը ցանկանում վճարել Իսպանիայի Կոնգերսի անդամի քարտով:
