Грузия Online-ի փոխանցմամբ՝ Վրաստանի պաշտպանության նախկին նախարար Իրակլի Օկրուաշվիլին այսօր առավոտյան վերադարձել է Վրաստան: Այս մասին հայտարարել է «Վրացական երազանք» դաշինքի մամուլի ծառայությունը:
Վերջինիս հաղորդմամբ՝ Օկրուաշվիլիի վերադարձի կապակցությամբ Թբիլիսիի քաղաքային դատարանն այսօր անդրադառնալու է նրա դեմ հարուցված քրեական գործին: Օկրուաշվիլին վերադարձել է արդարադատության առջև կանգնելու համար.
«Նա գիտակցում է, որ, չնայած ներկայիս գործըթնացին, նա պետք է ձերբակալվի: Օկրուաշվիլին պատրաստ է բանտից պայքարել իր ճշմարտության համար, բողոքարկել ապօրինի դատավճիռը և ապացուցել իր անմեղությունը»:
2008 թվականի մարտի 28-ին դատարանը վճռել էր Իրակլի Օկրուաշվիլիին դատապարտել 11 տարվա ազատազրկման: Վերջին տարիներին Օկրուաշվիլին բնակվում էր Փարիզում, ուր և ստացել է քաղաքական ապաստան: Նա Վրաստանը լքել է 2007 թվականի հոկտեմբերին՝ շորթման և ծառայողական լիազորությունների չարաշահման մեջ մեղադրվելուց հետո: