Ավստրալացի նախկին բանկիր Փոլ Դուգլաս Փիթերսը դատապարտվել է ավելի քան 13 տարվա ազատազրկման՝ «կեղծ ռումբով կատակի» համար: Այս մասին գրում է BBC-ն:
2011-ի օգոստոսին միլիոնատիրոջ տուն ներխուժելով՝ Փիթերսը նրա դստեր վզին պայթուցիկ սարքի մոմե կրկնօրինակ էր ամրացրել: Հեռանալով՝ բանկիրը գումարի պահանջով գրություն էր թողել: Սիդնեյի ոստիկանությունից 10 ժամ էր պահանջվել՝ պարզելու համար, որ ռումբը իսկական չէ:
Դատավորի խոսքով՝ Փիթերսի պատճառով 18-ամյա Մեյդելին Պուլվերը «աներևակայելի սարսափ» է ապրել:
Ամբաստանյալի փաստաբանները հաստատել են, որ նախկին բանկիրը գտնվել է խոր դեպրեսիայի մեջ և պատկերացրել իրեն վեպի հերոսի դերում, որի մասին այդ պահին գրում էր:
