Iran News-ի փոխանցմամբ՝ Իրանի՝ էներգիայի նոր տեսակների գծով կազմակերպության գործադիր տնօրեն Ահմեդ Հաքանին հայտարարել է, որ ներկայում Իրանի «Մանջիլ» և «Բինալուդ» քամու էլեկտրակայանների հզորությունը կազմում է 300 միլիոն կվտ/ժամ:
Հաքանին հավելել է, որ ընթացիկ տարում տվյալ էլեկտրակայանները հասցվելու են իրենց արտադրական հզորության գագաթնակետին, ինչը կազմում է 100 մեգավատտ: Ներկա պահին դրանց ընդհանուր հզորությունը չի գերազանցում 66 մեգավատտը:
«Մանջիլ» քամու էլեկտրակայանում տեղադրված է 110 տուրբին, իսկ «Բինալուդ» էլեկտրակայանում՝ 430: Հաքանին կարևորել է այն, որ սկզբնական շրջանում քամու էլեկտրակայանների կառուցման համար տուրբինները ներկրվում էին արտերկրից, մինչդեռ ներկայում Իրանն ինքն է արտադրում տուրբիններ ու քամու էլեկտրակայանների այլ բաղադրատարրեր:
