ԱՄՆ-ի պետդեպարտամենտը զբաղվում է շատ ծրագրերի իրականացմամբ՝ վիզաներ տրամադրելուց և միջազգային առևտրի սատարումից մինչև ահաբեկչության դեմ պայքար, կլիմայի փոփոխություն, ՄԻԱՎ-ի/ՁԻԱՀ-ի համաճարակ,- հաղորդում է «Ամերիկայի ձայնը»:
Պետդեպարտամենտի զեկույցի համաձայն՝ պետդեպարտամենտում և ԱՄՆ-ի արտասահմնյան շուրջ 270 ներկայացուցչություններում աշխատում է ավելի քան 13 հազար 700 աշխատակից, որոնց 46%-ը կարիերային դիվանագետներ են: 2008 թ. համեմատությամբ, ԱՄՆ-ի արտաքին քաղաքականության գերատեսչության աշխատակիցների թիվը նվազել է 18%-ով բյուջետային կրճատումների կապակցությամբ:
2012 թ. պետդեպարտամենտի բյուջեն կազմել է 57.5 միլիոն դոլար:
2012 թ. ԱՄՆ-ը ապաստան է տրամադրել ավելի քան 58 հազար փախստականների: Այս ծրագրի գործունեության սկզբից (1974 թ. սկսած) այլ պետություններից ԱՄՆ է տեղափոխվել շուրջ 3 միլիոն մարդ, որոնց սպառնացել է վտանգ:
2012 թ. ԱՄՆ-ի պետդեպարտամենտը երկրի քաղաքացիներին հանձնել է 12.1 միլիոն անձնագիր:
Զեկույցի տվյալներով՝ 44 ամսվա ընթացքում ԱՄՆ պետքարտուղար Հիլարի Քլինթոնն այցելել է աշխարհի ավելի քան 110 պետություն:
