Ֆրանսիայի նախագահ Ֆրանսուա Օլանդի վարկանիշը շարունակում է ընկնել. նման տեղեկություններ են հրապարակել ֆրանսիական ԶԼՄ-ները՝ հիմնվելով Ifop կենտրոնի կողմից անցկացված սոցիալական հարցումների վրա:
Ֆ. Օլանդի աշխատանքից գոհ ֆրանսիացիների թիվը 2012 թվականի նոյեմբերին 1 տոկոսով նվազել է՝ հասնելով 41 տոկոսի: Վարչապետ Ժան-Մարկ Այրոյի վարկանիշը ևս 6 տոկոսով նվազել է. նրա աշխատանքից գոհ է ֆրանսիացիների ընդամենը 43 տոկոսը:
Նոյեմբերի 8-16–ն անցկացված հարցմանը մասնացել է 1917 մարդ:
Այս շաբաթ Օլանդը խոստացել էր շարունակել երկրում տնտեսական իրավիճակը բարելավելուն ուղղված աշխատանքները և ընտրողներին կոչ էր արել իր ջանքերի արդյունքները գնահատել հինգ տարի հետո:
