ԱՄՆ դեմոկրատ կոնգրեսական Ջեյմս Մաքգովերնը դիմել է ԱՄՆ պետքարտուղար Հիլարի Քլինթոնին ձեռնարկել բոլոր անհրաժեշտ քայլերը սիրիահայ համայնքին օժանդակելու նպատակով: Ինչպես «Արմենպրես»-ին տեղեկացրել են ԱՄՆ Հայ դատի հանձնախմբից, նամակում կոնգրեսականը մասնավորապես նշել է, որ Սիրիայի հայ և այլ քրիստոնյա համայնքները դարձել են ծավալվող հակամարտության զոհեր:
«Սիրիայի և մասնավորապես Հալեպի հայ համայնքը ձևավորվել է Հայոց ցեղասպանութան վերապրանծների և նրանց ժառանգներևի կողմից: Մինչդեռ այսօր այդ համայնքը դարձել բռնության և հակամարտության զոհ»,- գրել է կոնգրեսականը: Նա նաև շեշտել է Դեր Զորում Հայոց ցեղասպանության նահատակների հիշատակին նվիրված եկեղեցու ավերման փաստը: «Կոչ եմ անում պետդեպարտամենտին պահանջել Սիրիայի հակամարտության բոլոր կողմերին պաշտպանել փոքրամասնություններին և մասնավորապես հայ ու քրիստոնյա փոքրամասնություններին»,- Քլինթոնին գրել է Մաքգովերնը:
Կոնգրեսականը նաև շեշտել է, որ ԱՄՆ պետդեպարտամենտը պետք է ապահովի բոլոր անհրաժեշտ պայմանները ամերիկահայերը և աշխարհի բոլոր հայերի կողմից հավաքագրված հումանիտար օգնությունը սիրիահայ համայնքին հասցնելու համար:
