ԱԺ ԲՀԿ խմբակցությունը կուսակցության կենտրոնական գրասենյակում փակ նիստ էր անցկացրել, որում քննարկվել էին նաև «Կուտակային կենսաթոշակների մասին» նոր օրենքի նախագծին վերաբերող հարցեր:
«Առաջին լրատվականը» ԲՀԿ խոսնակ, ԱԺ պատգամավոր Տիգրան Ուրիխանյանից հետաքրքրվեց՝ ԲՀԿ-ն նախագծի վերաբերյալ կոնկրետ դիրքորշում ունի՞, ի վերջո, ի՞նչ տեսակետ են արտահայտում։ «Հայեցակարգի առնչությամբ տեղաշարժ է դիտարկվում, բայց նախագիծ դեռ չենք տեսել, երբ տեսնենք՝ դիրքորոշում կարտահայտենք»,- ասաց Տ. Ուրիխանյանը:
Մեր հարցին՝ գուցե ԲՀԿ-ն ժամանա՞կ է շահում, որպեսզի օգնի վարչապետ Հովիկ Աբրահամյանին կուտակայինի նոր նախագիծը առաջ տանել, նա պատասխանեց. «Հարցադրման համար հիմքեր չեմ տեսնում, կներկայացվի նախագիծը՝ կքննարկենք։ ԲՀԿ-ի դիրքորոշումը կլինի այնպիսին, ինչպիսին կլինի հանրության շահը»: Տիգրան Ուրիխանյանը պարբերաբար հայեցակարգային փոխության մասին մատնանշում էր, բայց փակագծերը չցանկացավ բացել:
