Reuters-ի փոխանցմամբ, այսօր երկրաշարժներ են գրանցվել միջերկրածովյան տարածաշրջանում: Նախ, Սերբիայի կենտրոնական շրջաններում արձանագրվել է 5,3 մագնիտուդով երկրաշարժ: Եվրոպական միջերկրածովյան սեյսմաբանության կենտրոնը հաղորդել է, որ էպիկենտրոնը գտնվել է 70000 բնակչություն ունեցող Կրալեւո քաղաքում: Երկու մարդ զոհվել է, 15-ը` վիրավորվել:
Երկրաշարժը զգացվել է նաեւ մայրաքաղաք Բելգրադում:
Թուրքիայի սահմանների մոտ` էգեյան ծովում, նույնպես տեղի է ունեցել երկրաշարժ` 5,3 մագնիտուդ ուժգնությամբ: Զոհեր եւ ավերածություններ չկան: Երկրաշարժը զգացվել է երկրի հարավ-արեւմտյան շրջաններում, ինչպես նաեւ Ստամբուլում:
