Թուրքական Cihan լրատվական գործակալության փոխանցմամբ՝ Մերսինում ուրբաթօրյա նամազից հետո մի խումբ անձինք բողոքի ակցիա են կազմակերպել՝ Գազայի հատվածի դեմ Իսրայելի հարձակման կապակցությամբ:
Նրանք հակաիսրայելական պաստառներ են պարզել և կրել են Պաղեստինի դրոշը՝ վանկարկելով «Իսրայել, հեռացի՛ր»: Ապա ցուցարարներն այրել են Իսրայելի դրոշը:
Ցույցի կազմակերպիչներից մեկը հայտարարել է, որ ժողովուրդը պետք է իմանա, որ տարածաշրջանում այսօր թափվող ողջ արյան, ներքին պատերազմների ու ահաբեկչական իրադարձությունների հետևում ուղիղ և միջնորդավորված ձևով «կանգնած է» Իսրայելը: