«Հրապարակ»-ը գրում է. «Դուք նախարար եք դարձել ՀՀԿ քվոտայով, հնարավո՞ր է առաջիկայում դառնաք կուսակցական, մանավանդ որ նման փորձ արդեն իսկ ունենք. գալիս են անկուսակցական, դառնում նժդեհական՝ հարցրինք առողջապահության նախարար Արմեն Մուրադյանին:
«Ես այդ հարցի մասին դեռ չեմ մտածել. բավականին հարցեր ունեմ, որոնց շուրջ պետք է մտածեմ. ես վարչապետի առաջարկով եմ նախարար դարձել»: Բոլոր դեպքերում, նախարարը քաղաքական պաշտոն է, Դուք քաղաքական ի՞նչ տեսլականներ ունեք: «Ի՞նչ ասել է տեսլական»: Դե, ասենք` համակրում եք ԲՀԿ-ին, ՕԵԿ-ին կամ ոչ: «Անշուշտ, ընդունում եմ Հանրապետական կուսակցության ծրագրերը»: Եվ, այնուհանդերձ. ինչպե՞ս եք վերաբերվում ԲՀԿ-ին: «Ես բոլոր լրագրողներից խնդրել եմ 100 օր ժամանակ` իրենց հարցերին պատասխանելու համար»: Կարծում եք հարյուր օրվա մեջ «ինչ-որ» բան կփոխվի՞. ի դեպ, ասում են` Դուք երկրորդ նախագահի հետ զարմիկա-սանիկային հարաբերությունների մեջ եք. նա կվերադառնա՞: «Ես այդ հարցին արդեն իսկ անդրադարձել եմ, չեմ ուզում կրկնվել»:
Եվ, այնուհանդերձ, եթե ընտրություն լինի` Սերժ Սարգսյան-Ռոբերտ Քոչարյան, ինչպե՞ս կվարվեք: «Ես «եթե»-ներով հարցերին չեմ պատասխանում»:
Մանրամասները՝ թերթի այսօրվա համարում
Լուսանկարը՝ Panorama.am-ի