BP բրիտանական նավթագազային ընկերությունը պայմանավորվածություն է ձեռք բերել ԱՄՆ իշխանությունների հետ՝ հավակնությունների կարգավորման և հինգ տարվա ընթացքում 4.5 միլիարդ դոլար ռեկորդային տուգանքի վճարման շուրջ:
Արժեթղթերի և բորսայի հանձնաժողովին մի քանի տրանշներով երեք տարվա ընթացքում վճարվելու է 525 միլիոն դոլար: Գիտությունների ազգային ակադեմիան և National Fish & Wildlife Foundation հիմնադրամը 2.744 միլիարդ դոլար կստանան վեց տարվա ընթացքում: Քրեական ծախսերը կազմում են 1.256 միլիարդ դոլար:
Ֆինանսական պատժամիջոցներից բացի, ընկերությունը ստանալու է նաև հինգ տարվա պայմանական ժամկետ:
Մեքսիկական ծոցում Deepwater Horizon նավթային հարթակի պայթյունը տեղի էր ունեցել 2010 թ. ապրիլի 20-ին։ Վթարի հետևանքով Մեքսիկական ծոց էր արտահոսել 5 մլն բարել նավթ։ Այս միջադեպն ԱՄՆ պատմության մեջ խոշորագույն բնապահպանական աղետն էր: