Грузия Online-ի փոխանցմամբ՝ Վրաստանի պաշտպանության ու ներքին գործերի նախկին նախարար Բաչո Ախալայան վախենում է, որ թիվ 8 բանտից թիվ 7 բանտ իր տեղափոխությունը կարող է իրականացված լինել՝ նույն 7-րդ բանտում պահվող «օրենքով գողերին» սադրելու համար.
«Օրենքով ես պետք է այստեղ չգտնվեի: Ինձ բերել են թիվ 7 բանտ, ուր պահվում են «օրենքով գողերը»: Իմ անվտանգությունն այստեղ պաշտպանված չէ: Այո, բանտի աշխատակիցները մինչ այժմ արել են առավելագույնը, ես որևէ դժգոհելու բան չունեմ, սակայն ամեն դեպքում ես այստեղ ինձ պաշտպանված չեմ զգա: Հնարավոր է՝ ինձ այստեղ բերելու պատճառը այսպես կոչված «օրենքով գողերին» սադրելն է: Այստեղ ինձ կարող են սպանել»:
Նշվում է, որ տվյալ բանտում պահվում է 35 բանտարկյալ, որոնցից 20-ը «օրենքով գողեր» են: Բաչո Ախալայային այս բանտ են տեղափոխել երեկ: Ախալայան այդ բանտում պահվողներից միակն է, որը գտնվում է նախնական ձերբակալության մեջ: