Marks & Spencer (M&S) բրիտանական բրենդի սիրահարներին ուրախությամբ ցանկանում ենք տեղեկացնել, որ արդեն Երևանում՝ «Դալմա» առևտրի կենտրոնում, նոյեմբերի 10-ից բացվել ու գործում է բրենդի 1808 քմ տարածքով խանութը: Marks & Spencer բրենդն ամբողջ աշխարհում ներկայացնում է Al Hokair խումբը:
Marks & Spencer-ի երևանյան առևտրի սրահի բացման հանդիսավոր արարողության ժամանակ ժապավենը, ինչպես նաև տոնական տորթը կտրելու պատիվը վերապահվեց Մեծ Բրիտանիայում Հայաստանի արտակարգ և լիազոր դեսպան Քեյսի Լինչին, բացման հանդիսավոր երեկոյին ներկա էր նաև ԱՊՀ երկրներում և Կովկասում Al Hokair խմբի փոխնախագահ Ջերի Ուոթերսը (Gerry Waters)-ը, ով իր խոսքում կարևորեց բրենդի՝ բոլոր տարիքային խմբերի մարդկանց նախատեսված լինելու հանգամանքը ու մատչելիությունը:
Բացման երեկոյին յուրահատուկ ռիթմ էր հաղորդում DJ Lazzaro-ն, M&S-ի հավաքածուները («Ինքնագիր», «Սահմանափակ», «Ինդիգո», «Բլու Հարբոր», «Նորթ Քոուսթ», «Կոլեցիոնե» հավաքածուները) ներկայացրին հայ 12 մոդելները:
Այցելուները խանութում հնարավորություն ունեն ձեռք բերելու M&S-ում ներկայացված ոճային և նորաձև հագուստ, խնամքի և հարդարման որակյալ պարագաների, գիշերազգեստների, ներքնազգեստների, պայուսակների ու կոշիկների լայն տեսականի՝ նախատեսված տարբեր իրավիճակների համար: Խանութում ըստ հավաքածուների են ներկայացված M&S-ի հագուստի վերջին՝ կանանց, տղամարդկանց և երեխաների համար նախատեսված հավաքածուները, ինչպես նաև բարձրորակ կոշկեղեն, աքսեսուարներ՝ գոտիների, ձեռնոցների, շարֆերի լայն տեսականի:
Marks & Spencer-ը հիմնադրվել է ավելի քան 128 տարի առաջ և ներկայում ունի ավելի քան 730 խանութ` Մեծ Բրիտանիայում, և ավելի քան 390 միջազգային խանութներ` Եվրոպայում, Միջին Արևելքում և Ասիայում:
