Այս տարի ՀՀ ԿԳՆ գիտության պետական կոմիտեի կողմից Արցախում նախատեսված է ֆինանսավորել հինգ գիտական ծրագիր` յուրաքանչյուրը չորսական միլիոն դրամ:
Գիտության պետական կոմիտեից հայտնում են, որ Արցախին տրամադրվելիք բյուջեն գրեթե նույնքան է, որքան Արցախի գիտության պետական կոմիտեի ընդհանուր բյուջեն:
Ծրագրերն ընտրվելու են մրցութային կարգով, իսկ մրցույթն արդեն իսկ հայտարարված է: Մրցույթի շրջանակներում ֆինանսավորվելու են բնական գիտությունների բնագավառի ծրագրեր` քիմիա, Երկրի մասին եւ դրան հարակից բնապահպանական գիտություններ, կենսաբանական գիտություններ մասնագիտություններով:
Յուրաքանչյուր ծրագրի համար նախատեսված 4 միլիոն դրամի 10% -ը՝ 400 հազար դրամը, պետք է տրամադրի ԼՂՀ-ն, իսկ 90%-ը` 3 միլիոն 600 հազար դրամը` Հայաստանի Հանրապետությունը:
