Սև արջը, որը որոշել է հանգստանալ գամակի մեջ, վախեցրել է Ֆլորիդա նահանգի Դեյթոն-Բիչ քաղաքի բնակիչներին: Մայրամուտից հետո կենդանին հայտնվել է տներից մեկի բակում և հարմար տեղավորվել, հայտնում է Metro-ն: Ականատեսների խոսքով՝ արջը գամակի մեջ «զբոսաշրջիկի նման» է եղել:
Մայիսի 28-ին արջն ուրախացել է՝ բակում տեսնելով գամակը, տեղավորվել է, որ հանգստանա և 20 րոպե պառկած է մնացել:
Այդ ընթացքում տեղի բնակիչը մոտ 20 մ հեռավորությունից նկարահանել է արջին: Արջին մարդու ներկայությունը կա՛մ չի անհանգստացրել, կա՛մ նա չի նկատել «պապարացուն»: Սակայն, ի վերջո, կենդանին ինչ-որ բանից վախեցել է և փախել:
Վինսենտ Ջեյմսը, որի տան բակի գամակն այդքան դուր է եկել արջին, ևս կենդանուն հետևել է պատուհանից: Նա պատմել է, որ կես ժամ հետո կենդանին վերադարձել է և նորից պառկել ճոճվելու: Որքան ժամանակ է արջը հանգստացել՝ չի ճշգրտվում:
Դրանից հետո արջին էլի մի քանի անգամ նկատել են քաղաքի արվարձաններում: Նա սնունդ է փնտրել:
