Monday, 13 05 2024
Վայոց Ձորում բողոքի ակցիայի մասնակիցը բռունցքով հարվածել է ոստիկանի գլխին. ՔԿ
ԵԱՀԿ գործող նախագահը Հայաստանում է
Բողոքի ակցիայի 151 մասնակից բերման է ենթարկվել
Ուղիղ. ՀՀ ԱԳ նախարարների և ԵԱՀԿ գործող նախագահ, Մալթայի ԱԳ նախարարի մամուլի ասուլիսը
Իսրայելն Գազայի հարավում ակտիվացնում է ռազմական գործողությունները
Բելգորոդում գնդակոծության զոհերի թիվը հասել է 19-ի
10:45
Ֆրանսիան կոչ է անում Հայաստանին և Ադրբեջանին շարունակել սահմանի սահմանազատումը համաձայնեցված սկզբունքների հիման վրա
10:30
IDBank-ը թողարկել է դոլարային պարտատոմսերի 2024 թվականի թվով 2-րդ տրանշը
Ակցիայի 88 մասնակից բերման է ենթարկվել
Թբիլիսիի բողոքի ցույցերի ժամանակ Մոլդովայի քաղաքացի է ձերբակալվել
Լուրերի առավոտյան թողարկում 10։00
Վայոց Ձորում ճանապարհ փակելու բողոքի ակցիայի ընթացքում ոստիկանի նկատմամբ բռնություն գործադրած անձը կալանավորվել է
Նրանք տապալվելու են, քանի որ դեմ են առել իշխանության լեգիտիմության պատին
Սևանում մեքենա է այրվել․ վարորդը այրվածքներով տեղափոխվել է հիվանդանոց
Առաջ ռուսի խաղաթուղթն էինք, հիմա դա էլ չենք. հիմա պրիզ ենք
Սպասվում են տեղումներ
Արտահերթ ընտրություն կլինի, թե ոչ, կախված է նրանից՝ շարժումն ինչ դիրքի դուրս կգա
Մուշավան թաղամասում մեքենա է այրվել
08:30
Live. «Առաջին լրատվական» տեղեկատվական-վերլուծական կենտրոն
Մեքենան գլխիվայր շրջվել է․ կան տուժածներ
Քաղաքական աղճատվածության անընդհատ պտտվող բումերանգը
Լավրովը կվերանշանակվի ՌԴ ԱԳ նախարարի պաշտոնում
Ֆրանսիան Հայաստանին և Ադրբեջանին հորդորում է շարունակել սահմանազատումն ըստ պայմանավորվածության
Բելգորոդում շենքի փլուզման հետևանքով զոհերի թիվը հասել է 12-ի
Բելոուսովը կնշանակվի ՌԴ պաշտպանության նախարար, Շոյգուն այլ պաշտոն է ստացել
Ծառն ընկել է ավտոմեքենաների վրա
Պետք է ավելի դիստանցավորվել Ռուսաստանից, և Ադրբեջանին շանս չթողնել
Ֆրանսիայում Հայկական շարժումը կոչ է անում բոյկոտել Բագրատ Գալստանյանի նախաձեռնած ցույցը
«Տավուշը հանուն հայրենիքի» շարժման հերթական հանրահավաքում մատնանշվեցին առաջիկա անելիքները
Բագրատաշենի ճանապարհը բաց է, հանրապետությունում փակ փողոցներ չկան. ՀՀ ՆԳՆ

Ամեն ինչ արվեց, որ Հայաստանը չդառնա Եվրասիական տնտեսական միության հիմնադիր անդամ

«Առաջին լրատվական»-ի զրուցակիցն է ԱԺ պատգամավոր Էդմոն Մարուքյանը:

– Պարոն Մարուքյան, Ձեր կարծիքով` մայիսի 29-ին Աստանայում տեղի ունեցած Եվրասիական տնտեսական միության ձևավորման խորհրդի նիստի ժամանակ Ղազախստանի նախագահ Նուրսուլթան Նազարբաևն ինչո՞ւ ընթերցեց Ադրբեջանի նախագահ Իլհամ Ալիևի նամակն այն մասին, որ Հայաստանն այդ կառույցին պետք է անդամակցի ՄԱԿ-ի կողմից ընդունված սահմանների շրջանակում:

– Տպավորությունս շատ բացասական է: Նախ` ինձ համար անհասկանալի էր, թե ինչու էր հրապարակվում այդ նամակը: Եթե նամակն ուղղված է երեք նախագահներին, նրանք ստացել էին, ուրեմն տեղյակ էին բովանդակությանը, բայց ես չհասկացա դրա հրապարակման իմաստը:

– Հավանաբար ցանկանում էին Հայաստանի նախագահ Սերժ Սարգսյանի՞ն ծանոթացնել նամակի բովանդակության հետ:

– Կարծում եմ, որ ծանոթացրել էին կամ կարող էին ծանոթացնել off record պայմաններում, որովհետև բազմաթիվ հարցեր են քննարկվում նման ռեժիմով:

– Այդ դեպքում, Ձեր կարծիքով, ինչո՞ւ այդ նամակը հրապարակավ ընթերցվեց:

– Նախ` ես շատ վատ տպավորություն ստացա այն պատճառով, որ ՀԱՊԿ անդամ պետությունը ՀԱՊԿ անդամ մեկ այլ պետության շահը ստորադասում է ոչ դաշնակից, ոչ ՀԱՊԿ անդամ պետության շահերին: Երկրորդը՝ մյուս նախագահների կողմից, ըստ էության, արձագանքներ, միջամտություն չեղան, որ ըստ էության` մենք այս հարցը չենք քննարկում, և այս հարցն այստեղ գերակա չէ: Եվ իմ տպավորությամբ` այս մարմինը կարող է դառնալ ադրբեջանական շահերը Հայաստանի շահերին գերադասող, եթե չասեմ` սպասարկող մարմին: Եվ եթե համեմատության մեջ դիտարկենք, որևէ պարագայում որևէ դասավորության դեպքում չեմ պատկերացնում, որ եվրոպական որևէ կառույցում նման իրավիճակ առաջանար, եթե, իհարկե, մենք չշեղվեինք եվրոպական ինտեգրացիոն ճանապարհից: Ես հույս ունեմ, որ այս դեպքը և ընդհանրապես այն մթնոլորտը, որ կար այնտեղ, կարող է հիմք հանդիսանալ, որ Հայաստանն ընդհանրապես չինտեգրվի Եվրասիական տնտեսական միությանը՝ միևնույն ժամանակ պահպանելով Ռուսաստանի հետ մեր ռազմավարական գործընկերությունը:

Այդ համատեքստում ես որևէ կերպ չեմ դիտարկում Ղազախստանի կամ Բելառուսի խնդիրները կամ նրանց հետ ավելի բարձր ռազմավարական և այլ մակարդակներում համագործակցություն ունենալու հարցը: Այստեղ կարևորը Ռուսաստանն է, և մենք պահպանենք Ռուսաստանի հետ ունեցած մեր հարաբերությունները, ռազմավարական գործընկերությունը: Պարզապես նման պայմաններում, երբ անդամ պետություններից մեկն, ըստ էության, այդ միության մեջ անընդհատ բարձրացնելու է մեզ համար ոչ բարեկամ երկրի շահերի խնդիրը, մենք մեզ այդ միության մեջ չենք տեսնում: Եվ այս քննարկումներն ինձ համար ևս մեկ անգամ վերահաստատեցին այն համոզմունքը, որ Հայաստանի պարագայում եվրոպական ինտեգրացմանն այլընտրանք չկա: Եվ պետք է փորձենք արդեն իսկ բանակցված և պատրաստված վերջնական տարբերակով Ասոցացման համաձայնագիրը հանել դարակից և աշխատել դրա վրա:

– Նախնական զարգացումներն այնպիսին էին, որ Հայաստանը Ռուսաստանի, Բելառուսի և Ղազախստանի հետ միասին պետք է դառնար Եվրասիական տնտեսական միության հիմնադիր անդամ, սակայն Սերժ Սարգսյանն այնտեղ չստորագրեց պայմանագիրը և այն հետաձգվեց մինչև հունիսի 15: Ձեր կարծիքով` ո՞րն է դրա պատճառը:

– Իմ տպավորությամբ` ամեն ինչ արվեց, որ Հայաստանը չդառնա հիմնադիր անդամ, և ըստ էության` մեր անդամակցության հիմնական իմաստը նաև այդքանով կորավ:

– Ո՞վ խոչընդոտեց այդ գործընթացին:

– Չեմ կարող ասել, բայց, բնականաբար, դա եղավ երեք պետությունների համաձայնությամբ: Իմ տպավորությամբ` մեր շտապողականությունը հիմնականում հիմնավորվում էր այն հանգամանքով, որ Հայաստանը փորձում էր դառնալ հիմնադիր անդամ՝ մյուս երեք երկրների հետ հավասարի իրավունքով, ինչը, ինչպես մենք տեսանք, երեկ տեղի չունեցավ ինչ-որ տեխնիկական պատճառներով, որը կարող է 2 շաբաթվա ընթացքում շտկվել և այլն, և այլն: Այսինքն` հիմնադրվեց մի կառույց, որը հետո մեզ հնարավորություն է տալու ասելու` ԱՅՈ կամ Ոչ:

– Այսինքն` նախօրեին Ս. Սարգսյանի չստորագրելու և այն 15 օրով հետաձգելու պատճառն այն էր, որ Հայաստանը չդառնա՞ հիմնադիր անդամ:

– Ես չեմ բացառում, որովհետև այդ երեք երկրները, որքան ես եմ հասկանում, Հայաստանին իրենց հետ հավասար գործընկեր չեն դիտարկում: Եվ դա, կարծում եմ, շատ ցավալի է: Նորից եմ կրկնում, սա ևս մեկ փաստ է, որ Հայաստանի եվրոպական ինտեգրացմանն այլընտրանք չկա:

– Իսկ հնարավոր համարո՞ւմ եք, որ Հայաստանի անդամակցությունից հետո Ադրբեջանը Ղազախստանի կամ Բելառուսի միջոցով նորից խանգարի այդ կառույցում մեր երկրի գործունեությանը:

– Տպավորություն կա, որ, այո, ընթացքում էլ անընդհատ կարող են նմանատիպ հարցեր բարձրացվել: Եթե ի սկզբանե, դեռ գործընթացները չսկսված, այդ հարցերը բարձրացվում են, հետագայում էլ կարող են բարձրացվել, և պետք է հաշվի առնել, որ այդ անդամ պետությունները որոշումների կայացման գործընթացներում նաև հնարավորություն կունենան որոշակի որոշումներ կասեցնել, վետո դնել: Պատկերացրեք, որ Ղազախստանն այդ կառույցում անընդհատ կսպասարկի Ադրբեջանի շահերը:

– Իսկ անդամակցելուց հետո նման պարագայում ի՞նչ պետք է անի Հայաստանը:

– Կարծում եմ, որ անդամակցելու պարագայում մենք գոնե պետք է ունենանք մեր պայմանները: Պայմաններ, որոնց պարագայում հայկական շահերը որևէ կերպ չեն ստորադասվելու այլ պետությունների շահերին: Դրանք կարող են լինել, առևտրատնտեսական շահերից սկսած մինչև Լեռնային Ղարաբաղի հարցը և ընդհանուր տարածաշրջանային խնդիրներ:

Բաժիններ
Ուղիղ
Լրահոս
Որոնում