Սերժ Սարգսյանի համար շատ հարմար ժամանակ է հրաժարական տալու: Մայիսի 30-ին լրագրողների հետ ճեպազրույցում նման տեսակետ հայտնեց ԱԺ ՀԱԿ խմբակցության քարտուղար Արամ Մանուկյանը՝ անդրադառնալով Աստանայում նախօրեին տեղի ունեցածին և նախագահի Սերժ Սարգսյանի դեմքի արտահայտությանը:
«Ես թշնամուս չէի ուզի տեսնել այն վիճակում, ինչ վիճակում տեսա Սերժ Սարգսյանին: Այդքան անարժանապատիվ, էդքան անտեր, այդքան խեղճացած, մեղքս գալիս էր: Քեֆս գալիս էր մնացած երկրների նախագահների դիրքորոշքումից, դիրքից, խոսքի ուժգնությունից»,- ասաց նա՝ նշելով, որ ափսոսում է, ցավ է ապրում, որ իր երկիրն ունի այնպիսի ղեկավար, ով չի զգում, որ ինքը ղեկավար է, որ չի զգում, որ իր երկրի շահերն է պահում, որը չի զգում, որ իր հետևում ժողովուրդ կա կանգնած: «Անարժանապատիվ դրսևորում: Դաս չսովորած աշակերտի կարգավիճակ, ամոթ էր»,- ասաց նա:
