Թուրքական Anadolu գործակալության փոխանցմամբ` Թուրքիայի արտգործնախարար Ահմեդ Դավութօղլուն լրագրողների հետ զրույցում հայտարարել է, որ Թուրքիան ՆԱՏՕ-ից չի խնդրել Patriot զենիթա-հրթիռային համակարգեր:
Դավութօղլուն հավելել է, որ նման բան պլանավորվել էր ամիսներ առաջ` սիրիական բախումների ֆոնին, ինչը մասնավորապես առնչվում էր սիրիական բանակի կողմից Աքչաքալեի հրետակոծությանը, որի հետևանքով զոհվեց Թուրքիայի 5 քաղաքացի:
Դավութօղլուն ընդգծել է, որ Աքչաքալեի միջադեպը չպետք է դիտարկել որպես միայն Թուրքիայի սահմանի խախտում, քանի որ դա նաև ՆԱՏՕ-ի սահմանն է, ինչի մասին այդ օրը հստակ հայտարարեց ՆԱՏՕ-ն:
Հիշեցնենք, որ Թուրքիայի վարչապետ Ռեջեփ Էրդողանը նույնպես հերքել է, թե Թուրքիան դիմել է ՆԱՏՕ-ին` Patriot համակարգերը Սիրիայի հետ սահմանին տեղակայելու հարցով:
