Ֆրանսիայի նախագահ Ֆրանսուա Օլանդն առաջարկել է ռուս գործընկեր Վլադիմիր Պուտինին երկկողմ հանդիպում անցկացնել Նորմանդիայում, որտեղ հունիսի 6-ին տոնակատարություններ են՝ ի պատիվ պատերազմի ժամանակ դաշնակիցների վայրէջքի 70-ամյակի:
Այդ հայտարարությունը ֆրանսիացի նախագահն արել է Բրյուսելում՝ ԵՄ պետությունների ղեկավարների ու վարչապետների ոչ պաշտոնական ընթրիքից հետո:
«Ես հունիսի 6-ին հրավիրել եմ ռուս նախագահին, և մենք մտադիր ենք խորհրդակցություններ անցկացնել, այդ թվում՝ Ուկրաինայի իրավիճակի վերաբերյալ»,- Օլանդի խոսքերն է մեջբերում ITAR-TASS-ը:
Ավելի վաղ Պուտինը հայտարարել էր Օլանդի հետ հնարավոր հանդիպման մասին: Ֆրանսիացի նախագահն ասել էր, որ Ռուսաստանին կարող են ԵՄ-ի կողմից նոր պատժամիջոցներ սպառնալ, եթե Մոսկվան նպաստի Ուկրաինայում հակամարտության սրմանը:
