ԵՄ «Բարեկամության սահման» ծրագրի կոորդինատոր, լեհ քաղաքագետ Յակուբ Բենեդուչակի կարծիքով՝ Հայաստանը միշտ դեպի Եվրոպա ուղղվելու, Ասոցացման համաձայնագիր ստորագրելու շանս ունի: Սակայն Հայաստանի սեպտեմբերի 3-ի որոշումը, ինչպես նաև հօգուտ Ղրիմի անեքսիայի քվեարկությունը որոշակի խնդիրներ են առաջացնում: Այս մասին քաղաքագետն ասաց «Առաջին լրատվական»-ի հետ զրույցում:
Նա անդրադարձավ նաև Ֆրանսիայի նախագահ Ֆրանսուա Օլանդի այն հայտարարությանը, թե Հայաստանի համար հնարավոր է Ասոցացման համաձայնագրի նոր տարբերակ մշակել, որը չի խանգարի Մաքսային միությանն անդամագրվելու որոշմանը․ «Հնարավոր կլինի, եթե Հայաստանը նման որոշում կայացնի, ինչպես ժամանակին Վրաստանն արեց, բայց պետք չէ մոռանալ, Վրաստանն ինչ բարձր գին վճարեց դրա համար՝ Աբխազիայի համար պատերազմը»:
Հետաքրքվեցինք, թե այդ փաստաթուղթն իրենից էական որևէ բան կներկայացնի՞, թե՞ պարզապես ձևական թղթի վրա ամրագրված որևէ բան կլինի․ «Եթե Հայաստանը անդամագրվի Մաքսային միությանը, ապա տնտեսական առումով որևէ փաստաթուղթ անհնար կլինի ստորագրել։ Եթե այդ փաստաթուղթը ստորագրվի, ապա հնարավոր է՝ առանց վիզայի ռեժիմ սահմանվի Հայաստանի և ԵՄ-ի միջև, բայց տնտեսական առումով ոչինչ պետք չէ սպասել, եթե ՄՄ-ին անդամագրվի Հայաստանը»,- ասաց նա:
Նրա բացասական գնահատեց նաև այն հանգամանքը, որ Հայաստանը մինչ այժմ Ուկրաինայի նոր իշխանություններին չի ճանաչել․ «Պուտինն ասել է, որ կճանաչի այդ իշխանություններին վերջապես։ Եթե ոչ՝ ապա հերթական ազդակը կլինի առ այն, որ ընդամնեը 5-10 երկրների հետ միասին չի ճանաչում նոր իշխանություններին»:
