Լոնդոնի տնտեսական դպրոցի հետազոտողների մի խումբ հարցումների արդյունքում եզրակացրել է, որ այն տարածված կարծիքը, որ երկուշաբթին շաբաթվա ամենավատ օրն է, իրականությանը չի համապատասխանում: Պարզվել է, որ երեքշաբթին է, որ հարցվածների մեծ մասի մոտ խնդիրներ է առաջացնում: Ավելի քան 22000 կամավորների առաջարկվել է ամեն օր գրի առնել օրվա իրենց տրամադրության եւ մտավոր ակտիվության մասին: Ամեն օր այդ ինֆորմացիան ուղարկվում էր մասնագետներին: Պարզվել է, որ ամենացածր արդյունքները գրանցվել են երեքշաբթի: Հետազոտողների խմբի ղեկավար Ջորջ Մաքենրոյի խոսքերով, այդ արդյուքները տրամաբանական են, քանի որ երկուշաբթի դեռ պահպանվում են հանգստյան օրերից մնացած լավ տպավորությունները, իսկ երեքշաբթի ամբողջովին մտնելով աշխատանքնային գործընթացի մեջ` գիտակցում ես, որ մինչեւ հանգստյան օրերը դեռ շատ ժամանակ կա:
