Կաննում նախօրեին ցուցադրված «Երկու օր, մեկ գիշեր» ֆիլմը վստահ քայլերով ընթանում է դեպի հաղթանակ: Ֆիլմի ռեժիսորները բելգիացի Դարդեն եղբայրներն են: Հաղթանակի դեպքում ռեժիսորները կմնան կինեմատոգրաֆիայի պատմության մեջ որպես երեք «Արմավենու ոսկե ճյուղերի» առաջին մրցանակակիրներ՝ գրում է ITAR-TASS-ը:
Նշենք, որ Դարդեն եղբայրներն արդեն նվաճել են վերոնշյալ մրցանակը 1999-ին և 2005-ին՝ «Ռոզետա» և «Մանուկ» ֆիլմերի համար: 2011-ին ռեժիսորները ստացել են Կինոֆորումի գրան պրի մրցանակը՝ «Հեծանվով տղան» ֆիլմի համար, որը Կաննի կինոփառատոնում մրցանակի նշանակությամբ երկրորդն է:
Նշենք, որ «Երկու օր, մեկ գիշեր» ֆիլմը երիտասարդ կնոջ մասին է, ով փորձում է խուսափել աշխատանքից ազատվելուց: Սակայն դրա համար նաև երկու օր և մեկ գիշեր աշխատակիցներին պետք է համոզի հրաժարվել իրենց պարգևատրումից: Կնոջը մարմնավորել է ֆրանսիացի դերասանուհի Մարիոն Քոթայրը:
