ԱԺ անկախ պատգամավոր Խաչատուր Քոքոբելյանը այսօր ԱԺ նիստում դիմելով վարչապետին՝ հետաքրքրվեց, թե ինչու կառավարության ծրագրում անդրադարձ չկա հայ-թուրքական հարաբերություններին, մինչդեռ կա անդրադարձ հայ-իրանական, հայ-վրացական հարաբերություններին:
Վարչապետ Հովիկ Աբրահամյանը պատասխանեց, որ հայ-թուրքական արձանագրությունները շարունակում են մնալ ծրագրում, այդ հարցը հանրապետության նախագահի ուշադրության շրջանակներում է:
Ինքը՝ վարչապետը, շարունակում է մնալ այն համոզմունքին, որ հայ-թուրքական արձանագրությունները ճիշտ էին, թեպետ կյանքի չկոչվեցին։ Աբրահամյանի խոսքով՝ պատմությունը միշտ ապացուցել է, որ Թուրքիայի հետ պետք է միշտ զգույշ և զգոն լինել։
«Կարծես թե այս պարագայում մեր ակնկալիքները դեռ չեն ավարտվել, մենք հույս ունենք, ես համոզված եմ, որ ապագայում կստորագրվեն և կվավերացվեն այդ արձանագրությունները մեր և Թուրքիայի կողմից»,- ասաց նա:
