Գերմանիայի կանցլեր Անգելա Մերկելի վարչակազմի ղեկավար, Քրիստոնեադեմոկրատական միության նախկին գլխավոր քարտուղար Ռոնալդ Պոֆալային մեղադրում են ԶԼՄ-ներին ճնշելու մեջ: Նման տեղեկություն է հրապարակել Leipziger Volkszeitung թերթը: Պարբերականի տվյալներով՝ 2009 թ. Պոֆալան, լինելով իշխող կուսակցության գլխավոր քարտուղար, ZDF հեռուստաալիքի ղեկավարությանը դժգոհություն է ներկայացրել քաղաքական ծրագրերից մեկի վերաբերյալ: Այն մասին, թե ինչպիսին է եղել արդյունքը, չի հաղորդվում: Սակայն ո՛չ կառավարությունը, ո՛չ էլ հեռուստաալիքը չեն մեկնաբանել տեղեկությունը:
Պոֆալայի բողոքը ստացել են Քրիստոնեադեմկորատական միության պրեզիդիումի հանդիպումից հետո, որը տեղի է ունեցել 2009-ի փետրվարի 2-ին: Նիստի ժամանակ Գերմանիայի կանցլերն ու միության առաջնորդ Անգելա Մերկելը դժգոհություն էր հայտնել որոշ ԶԼՄ-ներում իր դեմ իրականացվող «արշավի» առնչությամբ: Ռոնալդ Պոֆալան 2009 թվականին, լինելով միության գխավոր քարտուղար, ներառված է եղել նաև ZDF հեռուստաալիքի խորհրդում, ինչպես նաև նրա մի քանի կոմիտեներում:
Վերջերս Քրիստոնեասոցիալական միության (Գերմանիայի կառավարությունում Քրիտոնեադեմոկրատական միության հետ ընդգրված է մեկ բլոկում) մամլո քարտուղար Հանս Միխաել Շտրեպին բռնեցրել էին ԶԼՄ-ների վրա ճնշում գործադրելիս: Նա զանգահարել էր ZDF հեռուստաալիք և խնդրել եթեր չհեռարձակել ընդդիմադիր կուսակցության համագումարի մասին տեսանյութը: Հաջորդ օրը, երբ այդ փաստը հայտնի դարձավ, Շտրեպը հրաժարական տվեց:
