Թուրքիայի արևմուտքում հանքի վթարի գործով 3 ձերբակալվածների դեմ առաջադրվել են հանցավոր անփութության մեղադրանքներ: Այս մասին հայտնում է BBC-ն:
Հետաքննության շրջանակում ոստիկանությունը ձերբակալել է 19 մարդու, որից 6-ին անմիջապես բաց է թողել, մնացածը դեռևս գտնվում են նախնական կալանքի տակ:
Ձերբակալվածների թվում են ընկերության ղեկավարները, որոնց պատկանում է հանքը: Դեռևս չի հստակեցվում, թե կոնկրետ ում դեմ են առաջադրվել մեղադրանքները:
Հանքի ղեկավարությունը հերքում է, որ իր աշխատակիցների կամ տնօրինության կողմից որևէ անփութություն է թույլ տրվել:
Ողջ մնացած հանքափորները լրագրողներին ասել են, որ վախենում են հրապարակայնորեն արտահայտել իրենց հավակնությունները հանքում անվտանգության միջոցառումների վերաբերյալ:
Վթարի հետևանքով զոհվել է 301 հանքափոր:
