Այսօր՝ նոեմբերի 6-ին, ավտովթար է տեղի ունեցել Շիրակի մարզոմ: Ժամը 17:20-ի սահմաններում, Երևան քաղաքի բնակիչ Վաղարշակ Մադոյանը վարելով «BMWX 5» մակնիշի 15 ՍԼ 353 համարանիշի ավտոմեքենան, Երևան-Գյումրի ատոճանապարհի 135-րդ կմ հատվածում՝ Ցողամար գյուղի տարածքում գտնվող «Ղոչաղբյուր» կոչվող տարածքում դուրս է եկել ճանապարհի երթևեկելի գոտուց և մոտ 15 մետր գլորվել ձորը:
Ինչպես հայտնում է shamshyan-ը, վթարի հետևանքով վարորդը տեղափոխվել է հիվանդանոց:
Դեպքի վայր են ժամանել ճանապարհային ոստիկանության 2-րդ սպայական գումարտակի 2-րդ վաշտի 2-րդ դասակի աշխատակիցները դասակի հրամանատար Գևորգ Դավթյանի գլխավորությամբ: Տեղում են եղել նաև ոստիկանության Շիրակի մարզային վարչության Աշոցքի ոստիկանության օպերատիվ խումբը պետի ժամանակավոր պաշտոնակատար Գալուստ Նազարյանի գլխավորությամբ:
Վարորդը ծնունդով Բոգդանովկայից է և իր որդու հետ մեկնում էր ծննդավայր: Բարեբախտաբար տղային ոչինչ չի եղել: Փաստի առթիվ ոստիկանության քննչական գլխավոր վարչության Շիրակի մարզի քննչական բաժնում նյութեր են նախապատրաստվում:
