Ավստրալիայի դաշնային դատարանը վճռել է, որ Standard & Poor’s (S&P) միջազգային վարկանշային գործակալությունը խաբել է ներդրողներին՝ դերիվատիվներին շնորհելով հուսալիության բարձր վարկանիշ, որոնց արժեքը ընկել է ABN Amro բանկի կողմից դրանք ստեղծելուց 2 տարի անց: Այս մասին հայտնում է Financial Times-ը:
Մեղադրական վճռում ավստրալական դատարանը որոշել է, որ S&P-ն և ABN Amro-ն «խաբել և մոլորության մեջ են գցել» 12 քաղաքային խորհուրդների, որոնք 2006 թվականին միջնորդից ձեռք էին բերել մշտական չափաբաժնով պարտամուրհակներ՝ AAA վարկանիշով:
