2012 թվականը արդարացրեց Սաուդյան Արաբիայի ներդրողների և զբոսաշրջային բնագավառի աշխատողների սպասելիքները: Մեքքայի և Ջիդայի հյուրանոցներն ավելի քան 1.3 միլիարդ եկամուտ բերեցին: Այս սեզոնը կարելի է համարել թագավորության պատմության մեջ զբոսաշրջության բնագավառի լավագուն սեզոններից մեկը, հաղորդում է ալ-Արաբիան:
Մեքքայի, Մեդինայի, Ջիդայի հյուրանոցային համալիրները հաջի սեզոնին նախօրոք էին պատրաստվել, ուխտագնացների տեղափոխման և կացության համար ստորագրել էին մի շարք պայմանագրեր զբոսաշրջային ընկերությունների հետ:
Մուհամադ Սաադին, ով աշխատում է հյուրանոցային բիզնեսում, նշել է, որ Մեքքայի հյուրանոցային համալիրի գները տատանվում են 130 դոլարից մինչև 800 դոլար` կախված ալ-Հարամ մզկիթից գտնվող հեռավորությունից, ինչպես նաև հյուրանոցի ծառայություններից և հարմարավետությունից: Մեքքայի հյուրանոցային ֆոնդն ունի ավելի քան 125 հազար սենյակ և հաջի ընթացքում սպասարկել է 1.7 միլիոն օտարերկրացու, հաղորդում է SalamNews-ը: