ԱՄՆ ռազմածովային ուժերի՝ աշխարհում առաջին ատոմային ավիակիր Enterprise-ը ավարտել է վերջին՝ 25-րդ արշավը: Կիրակի նա մտել է Վիրջինիայի մեկնարկային կետ հանդիսացողՆորֆոլկ նավահանգիստ՝ վերադառնալով Պարսից ծոցի գոտուց: ITAR-TASS-ի փոխանցմամբ` այսպիսով Enterprise-ն ավարտել է կեսդարյա ծառայությունը ամերիկյան ռազմածովային ուժերում:
Ավիակիրը ջուր է իջեցվել 1960 թվականի սեպտեմբերի 24-ին և այդ ժամանակից համարվել ամերիկյան նավատորմի հպարտությունը: Այն ունի ամենամեծ երկարությունը (342,3 մետր) աշխարհի մարտական նավերի շարքում: Ավիակրի երկարությունը 40 մետրով զիջում է Entire State Building-ին: Enterprise-ի անձնակազմի թվաքանակը գերազանցում էր 5 հազարը և իր դասի մեջ միակն է:
Սկզբում նախատեսվում էր նման 6 նավ կառուցել, սակայն բարձր գնի պատճառով Պենտագոնը փակել է ծրագիրը: Նավը սնուցում են 8 միջուկային ռեակտորներ, որոնք գործի են դնում 4 տուրբինները՝ արտադրելով ընդհանուր 210 Մվտ էլեկտրաէներգիա: Միջուկային վառելիքով մեկ բեռնումը բավարար է 13 տարի աշխատելու համար:
Անձնակազմը սպասարկում են մարզասրահը, սրճարանը, ինտերնետ և արբանյակային հեռուստատեսությունը: Նավի տախտակամածում հրատարակվում է սեփական ամենօրյա թերթը:
Տախտակամածին 90 ուղղաթիռ և ինքնաթիռ կրելու հնարավորութամբ նավը վերջին կես դարում անցել է խոշորագույն հակամարտությունների միջով:
