Ամերիկյան Մայամի քաղաքի դատարանը հայտնի ֆրանսիացի նկարիչ Անրի Մատիսի կտավի գողերին դատապարտել է 15 տարվա ազատազրկման:
BBC–ի տեղեկացմամբ` դատավճիռն ի կատար է ածվելու գալիք տարվա հունվարից: 46-ամյա Պեդրո Անտոնիո Մարկելլո Գուսմանը դատապարտվել է 10 տարվա ազատազրկման՝ կտավի տեղափոխման և վաճառքի փորձի մեղադրանքով։ Նրա 50-ամյա կեղծարար հանցակիցը դատապարտվել է 5 տարվա ազատազրկման՝ հանցագործությանը մասնակից լինելու համար:
Նկարչի «Կարմի տաբատով Օդալիսկան» կտավը գողացվել էր 2002 թ. Վենեսուելայում՝ Կարակասի ժամանակակից արվեստի թանգարանից: Գողերին հաջողվել է գաղտնի կերպով մտնել թանգարանի սրահ և փոխել բնօրինակը:
Կորուստը հայտնաբերվել է միայն մեկ տարի անց, երբ մասնավոր կոլեկցիոները տեղեկացել է, որ կտավը վաճառվում է սև շուկայում: Այդ մասին նա հայտնել է թանգարանի ներկայացուցիչներին, որից հետո նրանք պարզել են, որ թանգարանում գտնվող կտավը կեղծ է:
Այս տարվա հուլիսին ՀԴԲ գործակալներին հաջողվել է ձերբակալել գողերին։
