Թուրքական Vatan թերթի փոխանցմամբ՝ Գերմանիայում գտնվող Թուրքիայի վարչապետ Ռեջեփ Էրդողանը կոնֆերանսի ժամանակ անդրադարձել է ԵՄ-ին Թուրքիայի անդամակցության խնդին.
«Թուրքիան պատրաստ է ԵՄ-ին անդամակցելու հարցում սպասել մինչև 2023 թվականը (Թուրքիայի Հանրապետության հիմնադրման 100-ամյակ): Մենք պատրաստ ենք սպասել մինչև այդ ժամկետը: Հակառակ դեպքում ԵՄ-ը կկորցնի իրեն կամ նվազագույն դեպքում Թուրքիային:
Չնայած նրան, որ վերջին տարիներիներին մենք սկսել ենք զարգացնել բազմավեկտոր արտաքին առևտուրը Աֆրիկայի, Լատինական Ամերիկայի ևՀեռավոր Արևելքի երկրների հետ, այնուամենայնիվ, մեր արտաքին առևտրում ԵՄ-ի մասնաբաժինը դեռ կազմում է 37 տոկոս:
Թուրքիայում կատարված ներդրումներում ԵՄ-ի մասնաբաժինը կազմում է 70 տոկոս: Ներկայիս դրությամբ Թուրքիա է այցելել 31.5 միլիոն զբոսաշրջիկ, որոնց կեսը բաժին է ընկնում ԵՄ-ի երկրներին, որոնցից առաջատարը Գերմանիան է: Ինչպես տեսնում ենք, տնտեսական ոլորտում Թուրքիան ու ԵՄ-ն ունեն բազմաթիվ շփման եզրեր»:
Նշվում է, որ Գերմանիայի կանցլեր Անգելա Մերկելը ցանկություն է հայտնել հաջորդ տարի այցելել Թուրքիա: