Մարտի 13-ին՝ ժամը 02.00-ի սահմաններում, Աբովյան-Թումանյան փողոցների խաչմերուկում տեղի է ունեցել ավտովթար:
Ինչպես հայտնում է ֆոտոլրագրող Գագիկ Շամշյանը, 1987 թվականին ծնված Վլադիմիր Կարապետի Հովսեփյանը, վարելով «Դայմլեր Կրայսլեր» մակնիշի, 82 TT 888 համարանիշի ավտոմեքենան, ընդհարվել է 1975 թվականին ծնված Լուսինե Սասունի Բաբայանի վարած «Մազդա» մակնիշի 25 LL 806 համարանիշի ավտոմեքենային, որից հետո վերջինս ընդհարվել է 1971 թվականին ծնված Հարություն Ժիրիկի Ստեփանյանի վարած ՎԱԶ 21074 մակնիշի, L 0873 համարանիշի, «էմին Սահակյան» Ա/Ձ պատկանող ավտոմեքենային:
Վթարի հետևանքով վարորդ Հ. Ստեփանյանը և ուղևորներ՝ 1991 թվականին ծնված Մարիամ Արթուրի Ղուկասյանը և 1969 թ. ծնված Նարինե Վաչիկի Խաչատրյանը մարմանական վնասվածքներով տեղափոխվել են թիվ 1 համալսարանական հիվանդանոց:
Դեպքի վայրում աշխատանքները ղեկավարում էր ոստիկանության քննչական գլխավոր վարչության ՃՏՀ քննության բաժնի քննիչ Դավիթ Մարտիրոսյանը: Վերջինիս հանձնարարականով ավտոմեքենան տեղափոխեցին ՃՈ տուգանային հրապարակ:
