Tuesday, 31 01 2023
Հոսանքազրկումներ՝ հունվարի 31-ին
Թուրքիան կարող է գնել բրիտանական կործանիչներ, եթե ԱՄՆ-ից չստանա F-16-երը
Թուրքիայում ընդդիմադիր ուսանողները դատապարտվել են ընդհանուր 335 տարվա բանտարկության
«Ադրբեջանը չի պարտադրել սահմանափակումներ, միջանցքը գտնվում է ռուս խաղաղապահների վերահսկողության ներքո»․ Ադրբեջանի ներկայացուցիչ
00:00
ՄԱԿ-ի առաքելության ղեկավարը կարևորել է Լիբիայի հարևան երկրների դերը երկրում կայունության ապահովման գործում
Բրիտանական կազմակերպությունը 350 000 ֆունտ ստերլինգ է հատկացրել Լաչինի միջանցքի շրջափակումից տուժածներին
ՀՀ կադաստրի կոմիտեի ղեկավարը կմասնակցի «Եվրոգեոգրաֆիքս» կազմակերպության Գլխավոր ասամբլեային
Արգիշտի Ղազարյանը նշանակվել է Վարչական դատարանի նախագահ
«Առաջին» լրատվական-վերլուծական թողարկում
Լին Թրեյսին առաջին հանդիպումն է անցկացրել Ռուսաստանի ԱԳՆ-ում
Պարեկները հունվարի 23-ից 30-ը Երևանում հայտնաբերել են 4259, վեց մարզերում՝ 4248 խախտում
Եգիպտոսը կարող է խաղաղության աղավնու դեր ստանձնել Հայաստանի ու Ադրբեջանի միջև
Նիդերլանդների խորհրդարանի պատգամավորները մերժել են Ադրբեջանի ԱԳ փոխնախարարի հետ հանդիպումը
Ռուսական կործանիչները «կործանում» են իրանական շանսերը
Եղանակային պայմանները ՀՀ ավտոճանապարհներին. Լարսը բաց է
Երբևէ Իսրայելում հայերը նման հարձակման չէին ենթարկվել
Ադրբեջանի տիրապետության տակ անցած ԼՂ տարածքներում ներդրվել է 3.8 մլրդ ԱՄՆ դոլար
Իրանի շուրջ կատարվողը ավելացնում է Հայաստանի անորոշություններն ու ռիսկերը
Ադրբեջանը կարող է Եվրոպային մեկ դար էներգիայով ապահովել. Իլհամ Ալիև
ՀՀ ազգային ժողովի որևէ խմբակցություն ՄԻՊ-ի թեկնածու չի առաջադրել
Իրանի ուղղությամբ հարվածներն ու իսրայելական հետքը․ խոցվել է 14 օբյեկտ
Ինչու է Մոսկվայում արգելվել «Նժդեհ» պարախմբի համերգը
Անդրադարձել են Հայաստանի ու Կատարի պետական կառավարման մարմինների միջև արդյունավետ փոխգործակցության մեխանիզմներին
21:00
Հայկական առաջին բլոկչեյնի՝ Fastex Chain-ի թեսթնետի մեկնարկը փետրվարի 1-ին
Ուժի մեջ է մտնում Հայաստանի և ԵՄ միջև Ընդհանուր ավիացիոն գոտու համաձայնագիրը
Իրանի խորհրդարանի նախագահը Բաքվին հորդորել է զերծ մնալ դեսպանատան վրա հարձակման հետ կապված էմոցիոնալ որոշումներից
ՀՀ ԱԽ քարտուղարը Նիդերլանդների վարչապետի խորհրդականին է ներկայացրել ԼՂ-ում ստեղծված հումանիտար ճգնաժամը
20:20
ԱՀԿ-ն 3 ամսով երկարաձգել է COVID-19-ի բռնկման պատճառով սահմանված արտակարգ դրության ռեժիմը
Մնացական Մարտիրոսյանը նշանակվել է Երևանի ընդհանուր իրավասության քրեական դատարանի նախագահ
Հռոմի պապի կոչը Լաչինի հարցով օդի մեջ չի մնա

Ուկրաինայում ՀՀ դեսպանն ամենավերջին հայհոյանքներով սպառնացել է լռեցնել հայ նկարչին. «Կհասնեմ Կիև՝ կտեսնես»

Ուկրաինայում Հայաստանի Հանրապետության արտակարգ և լիազոր դեսպան Անդրանիկ Մանուկյանն ամենատգեղ հայհոյանքներով սպառնացել է Կիևում բնակվող հայազգի գեղանկարիչ Բորիս Եղիազարյանին:

«Առաջին լրատվական»-ի հետ զրույցում այս մասին մեզ ասաց ինքը՝ Բորիս Եղիազարյանը:

Հայ գեղանկարչի խոսքով՝ երեկ մեզ տված իր հարցազրույցից հետո, որը հրապարակվել է այսօր՝ «Անդրանիկ Մանուկյանը խայտառակում է մեզ Ուկրաինայում» վերտառությամբ, իրեն է զանգահարել Անդրանիկ Մանուկյանն ու ասել, թե նա ինչ իրավունք ունի իր մասին նման կարծիք հայտնելու, ապա հավելել. «Ի՞նչ ես ուզում ինձնից»:

Եղիազարյանի խոսքով՝ ինքը փորձել է բացատրել, որ Մանուկյանի անձի դեմ ոչինչ չունի, պարզապես խոսել է որպես դեսպան նրա սխալների մասին, որի իրավունքն ունի:

«Ասացի, որ քննադատել եմ նրան երկու տարի առաջ Հայաստանի անկախության օրվա տոնակատարությանը Ուկրաինա պետության որևէ ներկայացուցչի չհրավիրելու և Ուկրաինայում ՌԴ դեսպանին ոչ միայն հրավիրելու, այլև խոսք փոխանցելու համար, որովհետև դա համարում եմ դիվանագիտական կոպիտ սխալ: Նույնպիսի սխալ եմ համարում այն, որ ապրիլի 24-ին Կիևի կենտրոնում հայ համայնքի միջոցառման ժամանակ հրավիրվել էր Յանուկովիչի շրջանի մշակույթի նախարարը, ով սգո օրվա ընթացքում ելույթ ունեցավ:

Ես հեռախոսազրույցի ընթացքում նաև ասացի նրան, որ իր կողքին ելույթ ունեցավ Յանուկովիչի նախարարը, իսկ Յանուկովիչը ոչ միայն Ուկրաինայում, այլև ամբողջ աշխարհում համարվում է հանցագործ: Ես ասացի, որ ասել եմ ու ասում եմ, որ դա դիվանագիտություն չէ, սխալ արարք է դեսպանի կողմից՝ Ուկրաինայի մայրաքաղաքում, ապրիլի 24-ին: Ասացի, որ լավ էր՝ չկար ուկրաինական մամուլ, և Ուկրաինան չիմացավ այդ մասին: Ի պատասխան՝ նա ամենատգեղ հայհոյանքներով, գոռալով սպառնաց, թե կհասնի Կիև, և այն ժամանակ ես կտեսնեմ, ու այդ ամենն ասաց ամենատգեղ հայհոյանքներով, գոռալով՝ այնպես, որ ես չհասցրեցի իրեն տեղը դնել, քանի որ ցած նետեց հեռախոսը»,- պատմեց Բորիս Եղիազարյանը:

Նա նաև հիշեց, որ սպառնալիքներ է ստացել Կիևում Յանուկովիչի կրակոցների ժամանակ. իրեն հեռախոսով սպառնացել են տիտուշկաները, Ուկրաինայի դատախազության ներկայացուցիչները՝ որպես Մայդանի ակտիվիստի: Բայց ոչ մի անգամ, նրա գնահատմամբ, նման ծայրահեղ տգեղությամբ ու կոպտությամբ այդպիսի սպառնալիք չի եղել իր անձի նկատմամբ, ինչպես դա արեց Հայաստանի դեսպանը: Հայ գեղանկարչի որակմամբ՝ դա անընդունելի է և աններելի:

«Ես չեմ վախենում ոչնչից, մանավանդ Հայաստանի դեսպանից Ուկրաինայում, դա տհաճ էր ու սարսափելի, և երևի ես ստիպված լինեմ Ուկրաինայում պաշտպանվել: Առայժմ Ուկրաինայի մամուլում հրապարակում չեմ ուզում անել: Ուզում եմ դա հրապարակել Հայաստանում, քանի որ սա նրա պատասխանն էր իմ հարցազրույցին: Ուզում եմ հայտարարել, որ ոչ ոք իրավունք չունի ինձ վախեցնելու և արգելելու, որ ես իմ կարծիքը հայտնեմ: Ես խոսել եմ փաստի մասին:

Ես այդպիսի հայտարարություններ արել եմ նաև Ուկրաինայի նախկին իշխանությունների հասցեին ամբողջ Մայդանի ընթացքում, երբ իշխանությունն այստեղ ուժեղ էր, ես քննադատել եմ, արել եմ հայտարարություն, դա իմ իրավունքն է: Ես հասկացել եմ, որ ինձ վտանգի եմ ենթարկում: Բայց ես չէի կարծում, թե ես իմ կարծիքը հայտնելով դեսպանի մասին՝ վտանգի եմ ենթարկում իմ անձը: Շատ տգեղ է»,- այսպես եզրափակեց իր խոսքը Բորիս Եղիազարյանը:

Հիշեցնենք, որ երեկ «Առաջին լրատվական»-ը հայ գեղանկարիչ Բորիս Եղիազարյանի հետ խոսել էր մայիսի 25-ին կայանալիք համաուկրաինական ընտրությունների, Ուկրաինայում Հայաստանի և Հայաստանում Ուկրաինայի դեսպանների գործունեությունների շուրջ, որին ավելի մանրամասնությամբ կարող եք ծանոթանալ այս հղումով: Հարցազրույցի ընթացքում հայ գեղանկարիչ Բորիս Եղիազարյանն իրացրել է բացառապես իր խոսքի ազատության իրավունքը և քննադատել Անդրանիկ Մանուկյանի մասնագիտական և ոչ անձնական գործունեությունը:

Հ.Գ. Երեկ Բորիս Եղիազարյանը «Առաջին լրատվական»-ի հետ զրույցում նաև պարզաբանել էր, որ իր տեղեկությունը, թե Անդրանիկ Մանուկյանն է ապրիլի 24-ի միջոցառմանը հրավիրել Յանուկովիչի Մշակույթի նախարարին, չճշտված է:  Սակայն չէր հերքել հարցազրույցում իր դիտարկումներն Անդրանիկ Մանուկյանի մասին:

Բաժիններ
Ուղիղ
Լրահոս
Որոնում