Բրիտանական Jane’s Information Group-ի փոխանցմամբ՝ 2013 թվականին Թուրքիայի ռազմական բյուջեն կազմելու է 20.3 միլիարդ լիրա (11.2 միլիարդ դոլար), ինչը 11.8 տոկոսով գերազանցում է ընթացիկ տարվա ռազմական բյուջեն:
Անվտանգության գլխավոր վարչության ծախսերը 12.1 միլիարդ լիրայից կհասցվեն 14.7 միլիարդ լիրայի, առափնյա պաշտպանության ծախսերը 375.9 միլիոն լիրայից կհասցվեն մինչև 432 միլիոն լիրայի, իսկ երկրի հետախուզական բյուջեն 750.9 միլիոն լիրայից կմեծացվի մինչև 995.5 միլիոն լիրայի:
Jane’s Information Group-ը նշում է, որ Թուրքիայի ռազմական բյուջեի մեծացման առանցքային գործոններից մեկը Քրդստանի աշխատավորական կուսակցության (PKK) դեմ պայքարն է, որը շարունակվում է արդեն 28 տարի: Բացի այդ, վերջին ժամանակներս սրվել են հարևան Սիրիայի հետ Թուրքիայի հարաբերությունները:
Ավելի վաղ նշվում էր, թե Թուրքիան մտադիր է 4 միլիարդ դոլար հատկացնել միջին հեռահարության զենիթա-հրթիռային համալիրների գնմանը, որոնց թվում շոշափվում էր նաև ռուսական С-400 Триумф համակարգերի անունը:
