«Եվրասիա» համագործակցության հիմնադրամի ծրագրերի ղեկավար Միքայել Հովհաննիսյանը, ամփոփելով Եվրամիության «Արևելյան գործընկերության» 5 տարիների արդյունքները, ընդգծեց, որ Եվրոպան ցանկանում էր ունենալ ավելի կառավարելի, սկզբունքային և կանխատեսելի գործընկեր:
Ինչ վերաբերում է Եվրամիության «Արևելյան գործընկերության» գործընթացներում առկա խնդիրներին, Հովհաննիսյանն ասաց. «Անունը ձևակերպված էր, դերը՝ հռչակված, բայց մեխանիզմներ չէին առաջադրվել:
Եվրաիմությունն ըստ էության ասում էր՝ մենք ձեզ տալիս ենք այս գործիքը, բայց առաջարկում ենք ընտրել այդ գործիքից օգտվելու մեխանիզմները: Մեր հասարակությունում այդ համաձայնագրի գիտելիքի և ընկալման աստիճանը ցածր էր, ուստի համաձայնագրի ստորագրման տապալման պատճառը նաև քաղհասարակությանն է»:
Բանախոսը հույս հայտնեց, որ Եվրոպան դասեր քաղելով՝ կկենտրոնանա տեղեկատվության արդյունավետ տարածման վրա:
Հարցին՝ ի՞նչ տվեց Եվրամիության «Արևելյան գործընկերությունը» Հայաստանին, Հովհաննիսյանն ընդգծեց. «Փորձարկվեց Հայաստանի՝ մանևրելու ունակությունը, և պարզվեց, որ դա նախորդ տարիների համեմատ նվազել է»:
Մանրամասները՝ տեսանյութում:
