Իրանական Fars News լրատվական գործակալության փոխանցմամբ՝ Իրանը ձեռնամուխ է եղել սիմուլյացիոն թռիչքների կենտրոնի կառուցմանը: Այս մասին հայտարարել է Իրանի ռազմաօդային ուժերի հրամանատարի տեղակալ Մանուչեհր Յազդանին.
«Իրանն արդեն իսկ ունի սիմուլյատոր СУ-24 ինքնաթիռով թռիչքների ուսուցման համար: Մյուս նախագծերը դեռ հետազոտման փուլում են: Իրանը 10 տարի առաջ է սկսել F-14 կործանիչով թռիչքների ուսուցման նախագծի իրագործումը, և այն հաջողությամբ գործում է արդեն 3 տարի: Բացի այդ, երկու տարի առաջ Սպահան նահանգի ավիաբազայում շահագործման հանձնվեց Cobra մարտական ուղղաթիռներով թռչող օդաչուների ուսուցման սիմուլյատորներ:
Այս բոլոր սարքավորումները հետապնդում են ռազմաօդային ուժերի օդաչուներին օգնելու նպատակ՝ յուրացնելու համար մարտավարական ու մարտական թռիչքների հմտությունները»։
