Ավելի քան 38 միլիարդ դոլարի ներդրում է անհրաժեշտ պրեմիում շուկաներում հայտնվելու համար: Հենց այդքան է «Գազպրոմը» ներդնում Արևելյան Սիբիրում արտահանման հզորությունների ստեղծման համար: Դա կարվի Ասիախաղաղօվկիանոսյան տարածաշրջանում վաճառքի շուկաների նվաճման համար: Голос России-ի փոխանցմամբ` այս մասին հաղորդել է ռուսական պետհոլդինգի ղեկավար Ալեքսեյ Միլլերը:
Մասնավորապես, «Գազպրոմը» մտադիր է արևելասիբիրյան գազի համար արտահանման նոր միջանցք ստեղծել և Վլադիվոստոկում կառուցել բնական գազի հեղուկացման գործարան՝ Ասիայի և Խաղաղ օվկիանոսի աճող շուկայի համար: Ըստ այդմ՝ կստեղծվի համայն Ռուսաստանի գազամատակարարման միասնական համակարգ:
Յակուտիայից Խաբարովսկով մինչև Վլադիվոստոկ գազատարի կառուցման պլանների մասին Միլլերը հայտնել է ՌԴ նախագահ Վլադիմիր Պուտինին: Այդպիսով՝ ծրագրվում է Արևելյան և Արևմտյան Սիբիրը միացնել հիմնական կենտրոնի հետ:
Բնական գազի հեղուկացման գործարանը Վլադիվոստոկում կգործարկվի 2018-ին: Այն գնահատվում է 220 մլրդ ռուբլի: Այդ ձեռնարկության արտադրանքի իրացման հիմնական շուկան կդառնա Ճապոնիան:
