Irib News-ի փոխանցմամբ՝ այսօր Իրանի արևմուտքում մեկնարկում են ցամաքային զորքերի «Զուլ Ֆակար 91» զորավարժությունները: Այս մասին հայտարարել է Իրանի ցամաքային զորքերի արևմտյան օկրուգի օպերատիվ շտաբի հրամանատար, բրիգադի գեներալ Մանուչեհր Կազեմին:
Վերջինիս խոսքերով՝ այս զորավարժությունների նպատակը ցամաքային զորքերի հզորության ցուցադրումն է, գիտելիքները պրակտիկայում գործադրելը, ցամաքային ու օդային ենթադրյալ սպառնալիքներին դիմագրավելուն նախապատրաստությունը, ստորաբաժանումների ու զինվորների անձնական հմտությունների բարձրացումը, զսպման ուժի ունակության ցուցաբերումը, ինչպես նաև հատուկ նշանակության և օդա-դեսանտային ստորաբաժանումների՝ արագ արձագանքման օպերացիաներ անցկացնելու հարցում նախապատրաստումն ու մարտական հմտությունների բարձրացումը:
Կազեմին հավելել է, որ այդ զորավարժությունների ընթացքում գնահատական է տրվելու օդային դեսանտի մասնակցությամբ օպերացիայի ընթացքում արագ արձագանքման ջոկատների տեղաշարժման արագությանը: