Հոլիվուդյան դերասան Ջոն Տրավոլտային առաջարկել են նկարահանվել հնդիկ հայտնի ռեժիսոր Շեկհար Կապուրի նոր ֆիլմում։
Դերասանն այդ մասին հայտարարել է Հնդկական միջազգային կինոակադեմիայի արարողության ժամանակ, որտեղ մրցանակի է արժանացել «Բոլոր ժամանակների և ժողովուրդների ամենահայտնի դերասան» անվանակարգում, հաղորդում է Gulfnews-ը:
Պատասխանելով լրագրողների հարցերին՝ Ջոն Տրավոլտան հաղորդել է, որ ֆիլմի սցենարում բացակայում են պարային դրվագները, որոնցով շատ հայտնի են բոլիվուդյան ֆիլմերը, սակայն ռեժիսոր Շեկհար Կապուրը չի բացառում, որ պարեր կլինեն:
Տրավոլտան ընդունել է, որ հնդկական ֆիլմերը ինքնատիպ են, հետաքրքիր և էներգիայով լեցուն: Իրեն հնդկական ֆիլմերի երկրպագու համարելով՝ դերասանը հայտարարել է, որ շատ բան ունի սովորելու Բոլիվուդի ֆիլմերից:
