Անցած շաբաթ Կիպրոսում հորդառատ անձրևները երկրին բերեցին շոգ ամառվանից հետո զգալի թեթևացում: Դրանք, սակայն, միաժամանակ, դարձան լուրջ խնդիրների պատճառ: Ու ոչ այն պատաճառով, որ ոստիկանությունը ստիպված էր որոնել հեղեղից քշված ավտոմեքենաները Կիպրոսի մայրաքաղաքի արվարձաններում: Անձրևների պատճառով վտանգվել է մայրաքաղաքից 20 կմ արևմուտք՝ ՄԱԿ-ի անվտանգության գոտու մերձակայքում բնակվող մարդկանց կյանքը, երբ անձրևները «սրբել են» ականապատված դաշտը:
Կիպրոսում ՄԱԿ-ի Զինված ուժերի ներկայացուցիչներն արգելափակել են ճանապարհներն ու Դենյա գյուղի հյուսիսային հատվածը՝ մտավախություն ունենալով, որ անձրևաջրերը կարող էին ականները տանել մերձակա շրջաններ:
Շաբաթ օրվանից սկսած՝ ականազերծողները մանրամասն հետախուզում են տարածքը, սակայն պաշտոնապես ոչինչ չի հաղորդվում աշխատանքի արդյունքի մասին:
Ենթադրվում է, որ օպերացիան մի քանի օր կշարունակվի:
