«ԲՀԿ-ն որևէ պաշտոնական բանակցություն որևէ պաշտոնական ուժի հետ չի վարել». այսօր ասուլիսի ժամանակ հայտարարեց ԲՀԿ-ական պատգամավոր Միքայել Մելքումյանը՝ պատասխանելով լրագրողի հարցին, թե ինչ է տեղի ունենում Լևոն Զուրաբյանի և ԲՀԿ-ի միջև։ Մելքումյանը նշեց, որ Լևոն Զուրաբյանը ՀԱԿ համակարգողն է և իր հայտարարություններն է անում:
Հիշեցնենք, որ օրերս ՀԱԿ համակարգող Լևոն Զուրաբյանը հայտարարել էր, թե Սերժ Սարգսյանը, կառչել է իշխանությունից, քանի որ հենց իշխանությունը կորցնի՝ իր հարազատները կկորցնեն այս տարիներին ձեռք բերած սեփականությունը: Ուստի, ըստ նրա, հերթական անգամ նախագահական ընտրությունները կարող են դառնալ կենաց-մահու պայքար: Իրենց գործն էլ այս պայքարում պետք է լինի ԲՀԿ-ի հետ միասին հասնել Սերժ Սարգսյանի հրաժարականին, քանի որ, Լևոն Զուրաբյանի համոզմամբ, Հայաստանում ընտրությունների միջոցով հնարավոր չէ իշխանափոխություն իրականացնել:
